Жыл соңына дейін екі мыңнан астам ақмолалық тұрғын үймен қамтамасыз етіледі

Республика күніне орай Ақмола облысында 70 отбасы жаңа пәтер иесі атанды. Көкшетау қаласы мен Бурабай ауданындағы жаңа үйлер әлеуметтік нысандарына жақын және қаланың ең жақсы аудандарының бірінде орналасқан. Жаңа механизм бойынша халықтың әлеуметтік осал топтары үшін жөндеу жұмыстары жақсартылған пәтерлер сатып алынды.

«Өткен жылдан бастап пәтерлерді сатып алудың жаңа механизмі енгізілді, таңдауға қойылатын талаптар белгілі бір жайлылылығы мен қажетті инфрақұрылымы бар тұрғын үйді сатып алуға рұқсат етілді. Барлық іс-шаралар кешені 2 мыңға жуық отбасының жағдайын жақсартады, ең бастысы, баспана кезегін қысқартады. Бүгінгі шара – президенттің қазақстандықтардың өмір сүру сапасын жақсартуға бағытталған саясатының нақты жүзеге асқаны», – деді Ақмола облысының әкімі Марат Ахметжанов. 

Болашақта үйлер жекешелендіруге жататынын ескертеміз. Бұл механизм бүгін Ақмола облысында Көкшетау қаласы мен Бурабай ауданында алғаш рет іске қосылды.

Өңірде биылғы жылы халықтың әлеуметтік осал топтары үшін 900-ге жуық пәтер беру жоспарлануда, оның ішінде 600-ге жуығы облыс орталығында.

Айтпақшы, облыста барлық бағдарламалар бойынша 2 мыңнан астам отбасы баспаналы болмақ. Оның ішінде 2024 жылы Көкшетауда 600 отбасы және облыстың басқа аудандарынан 1500-ге жуық отбасы болады.