Журналист Думан Мұхаммедкәрімнің денесін тілгені жалған болып шықты

cover Фото: Видеодан алынған кадр

Журналист Думан Мұхаммедкәрімнің түрмеде өз денесін тіліп, наразылық танытқаны жалған боп шықты, деп хабарлайды Orda.kz. 

Кеше, белгілі журналист, 7 жылға бас бостандығынан айырылған Думан Мұхаммедкәрім түрмеде денесін тіліп, аштық жариялағанын хабарлаған едік. Журналист Думан Мұхаммедкәрім  Талдықорғандағы тергеу изоляторынан Алматы облысындағы Заречный түрмесіне ауыстырмағанына наразылық танытып, денесін тіліп, аштық жариялады деп Думан Мұхаммедкәрімнің адвокаты Ғалым Нұрпейісов айтты.

Бірақ қылмыстық атқару жүйесі комитеті Ulysmedia.kz тілшісіне бұл ақпаратты жоққа шығарған. Департамент өкілі қылмыстық-атқару жүйесі комитетінің хабарламасын ұсынды.Хабарламада «өз-өзіне зиян келтіру туралы ақпарат шындыққа жанаспайды» деп келтірілген.

«Сотталған адамды медициналық қызметкерлер тексерді. Денесінде ешқандай жарақат анықталған жоқ. Камерада тәулік бойы бейнебақылау жұмыс істейді. Жалған ақпарат таратқаны үшін жауапкершілік туралы ескертеміз», делінген хабарламада. 

Бірақ Думан Мұхамедкәрімнің тамақтан бас тартқаны расталды. Ол тек шай мен су ғана ішуді жалғастырып жатыр екен. 

Жаңалықтар

барлық жаңалықтар