Жетісу облысында жол апатынан 4 адам қаза тапты

Кеше, 10 желтоқсанда Жетісу облысында қайғылы жол апаты болды, деп хабарлайды Orda.kz. 

Жантүршігерлік апат «Алматы – Өскемен» тас жолының 462-шақырымында тіркелді. Алдын ала мәліметке сәйкес, боран мен көктайғақ салдарынан жүргізушілердің бірі қарсы жолаққа шығып кетіп, екі көлік бетпе-бет соқтығысқан.

Оқиға орнында төрт адам қайтыс болды. Тағы төрт адам ауруханаға жеткізілді. 

Аталған дерек бойынша қылмыстық іс қозғалды. Болған оқиғаның барлық мән-жайын анықтауға бағытталған сотқа дейінгі тергеу жүргізіліп жатыр.

Айта кетейік, 10 желтоқсанда Қарағанды облысында 4 жұмысшыны жүк пойызы қағып мерт қылды.