Жетісу облысында депутатты пышақтап өлтірді

Жетісу облысы Алакөл аудандық мәслихатының 34 жастағы депутаты Дәурен Сіләмовтің мәйіті 15 қаңтарда Үшарал қаласында табылды.

Белгісіз біреулер оған бірнеше пышақ жарақатын салған.

Кісі өлтіру дерегі бойынша сотқа дейінгі тергеу басталды.

Сіләмов ауыл шаруашылығын, экологияны, көлік және коммуникацияларды, құрылысты, индустриалды-инновациялық және энергетикалық инфрақұрылымды дамыту жөніндегі комиссияның мүшесі болды. Ол «Слямов» шаруа қожалығының иесі болғаны да белгілі.