Жаңа жыл түні жаңа дүние есігін ашқан сәбилер

Жаңа жыл қарсаңында Қазақстанның перзентханаларында 254 сәби жаңа өмірдің есігін ашты, деп хабарлайды Orda.kz.       

Олардың ішінде Ақтөбе облысында егіздер дүниеге келді, деп хабарлады Денсаулық сақтау министрлігі.

Дәстүрлі түрде ең көп сәби саны Түркістан облысында  тіркелген - 29, Шымкентте - 24, Астанада - 22 және Алматыда - 21 бала Қазақстан халқының санын көбейтті.

«10 аптаға дейін ерте тіркеуге тұрған жүкті әйелдердің саны 25% -ға өсті, бұл әрбір болашақ анаға жеке мультидисциплинарлық тәсілді, сапалы босанғанға дейінгі күтімді, қауіпсіз босануды, босанғаннан кейінгі бақылауды қамтамасыз етуге мүмкіндік береді» деп атап өтті ведомство. 

Айтпақшы, былтыр уақыт белдеуі өзгеретін күні, яғни 29 ақпаннан 1 наурызға қараған түнгі сағат 12-де Қазақстанда 803 сәби дүниеге келді, оның ішінде екі егіз, 392 ұл және 411 қыз бала бар.

Ең қызығы -  былтыр Түркістан облысында  бес немеренің әжесі 43 жастағы Орынкүл Нұрабаева бірден үшем босанды.