Жаңа жыл түні Қазақстанда қанша бала дүниеге келді?

Жаңа жыл түні Қазақстанның перзентханаларында 181 бала дүниеге келді, деп хабарлайды Orda.kz.

Денсаулық сақтау министрлігінің мәліметінше, жаңа жыл қарсаңында елде 105 ұл және 76 қыз дүниеге келген. Ал Маңғыстау облысында бір отбасында егіздер өмірге келді.  

Ең көп «жаңа жылдық» сәбилер Түркістан облысында туған – 34 бала. Екінші орынды Алматы қаласы мен Алматы облысы бөлісуде – әрқайсысында 17 сәби. Үшінші орында Шымкент – 16 сәби.  

Астанада 31 желтоқсаннан 1 қаңтарға қараған түні 10 бала дүниеге келді — бұл көрсеткіш өткен жылмен бірдей.