«Жақын туысы»: Ер адам әйел мен оның ұлын пышақтап кетті

Өзбекстанның Ташкент қаласында әйел мен оның баласын пышақтап кеткен, деп хабарлайды Orda.kz. 

Ташкенттегі ауруханалардың біріне 31 жастағы әйел мен оның 12 жастағы баласы ауыр халде жеткізілді. Қазіргі уақытта олардың бірі жансақтау бөлімінде жатыр.

Дәрігердің айтуынша, күдікті науқастардың бастарын тесуге әрекеттенген. Сонымен қатар иықтары мен кеуделеріне пышақ сұққан. Ауруханаға ауыр жағдайда жеткізілген науқастарға бірден ота жасалды.

Мәліметтерге сүйенсек, жәбірленушілерге үйдегі жақын туысы пышақ сұққан. Ал оларды ауруханаға көршілері жеткізген. 

Бас прокуратураның баспасөз хатшысы Хаят Шамсутдиновтың айтуынша, ана мен баланы пышақтаған адамға қатысты қылмыстық іс қозғалыпты.