Valentino мен Lexus: Елдің назары министр Әлназарованың стиліне ауды

Денсаулық сақтау министрі Ақмарал Әлназарова өз киімінің бренді мен бағасы туралы журналист сұрағына жауап беруден бас тартты, деп хабарлайды Orda.kz.

Брифинг барысында оған қандай брендтің киімдерін ұнататыны жайлы сұрақ қойылды. Алайда модератор министрді қорғап, журналистерді «тақырыпқа сай сұрақ қоюға» шақырды. Министрдің гардеробы жұрт талқысына Ұлытау облысына жасаған іссапарынан кейін түсті. Әлеуметтік желі қолданушылары шенеуніктің шамамен мың еуро тұратын Valentino туфлиін кигенін байқаған.

«Министр ханым осымен екінші рет өзінің кім екенін танытты және кімдер үшін «қызмет» ететінін көрсетті. Бірінші рет ол Ұлытаудағы ауруханаға Lexus көлігіне мініп келді, ал екінші рет мың еуродан қымбат Valentino Garavani туфлиін киіп келді. Денсаулық сақтау министрлігі менің туфли туралы пікірлерімнен кейін аккаунтымды бұғаттап тастады. Бұл назарсыз қалмайды деп үміттенемін» деп жазады қазақстандықтар әлеуметтік желілерде.