Ұжымдық қауіпсіздік туралы шарт ұйымы әскерлерін Қазақстанға орналастыру жеңілдетіле ме?

Мәжілісте Ұжымдық қауіпсіздік туралы шарт ұйымы келісімдеріне енгізілетін түзетулер қарауға алынып, олар бойынша қорытынды дайындалып жатыр, деп хабарлайды Orda.kz. 

Бұл түзетулер ұйымның әскери құрамаларын мүше мемлекеттердің аумағында уақытша орналастыруға болатын негіздердің тізбесін кеңейтеді. Яғни, дағдарыстардың алдын алу, гуманитарлық көмек көрсету және тексеру жүргізу мақсатында әскери құрамның қызметі кеңейеді. 

Алайда мұндай шешімдер бұрынғыдай Қазақстанның келісімімен ғана қабылданады. 

Ұжымдық қауіпсіздік туралы шарт ұйымы — әскери-саяси одақ. 1992 жылы құрылған, ал ұйым ретінде 2002 жылдан жұмыс істейді. Мүше елдер қатарына Қазақстан, Ресей, Беларусь, Армения, Қырғызстан, Тәжікстан кіреді.

Айта кетейік, Алматы облысында Ұлттық ұлан сарбазы жаттығу кезінде өзіне оқ атып жараланды.