«Ұрлап кеткен»: ШҚО тұрғыны 28 млн теңгесінен айырылып қалды

ШҚО тұрғынының 28 млн теңгесін ұрлағандар ұсталды, деп хабарлайды Orda.kz. 

Жергілікті полицияға тұрғын қолма-қол ақша мен зергерлік бұйымдардың ұрланғанын айтқан. Келтірілген шығын сомасы 28 миллион теңге болған.

Көп ұзамай қарақшылар ұсталды. Анықталғандай, күдіктілердің бірі бұрын да осыған ұқсас қылмыс жасағаны үшін сотты болған екен. Тінту кезінде полицейлер ұрланған зергерлік бұйымдарды тауып, оған қоса 1 келіге жуық гашиш тәркілеген. 

Күдіктілер жәбірленушінің өмірін бақылап, аңдып жүрген. Олар ұрлыққа мұқият дайындалған. Жәбірленушінің үйден кеткенін күткен күдіктілер қоршаудан секіріп өтіп, пластик терезені басып ашып, үйге кірген. Сейфтен олар ақша мен зергерлік бұйымдарды алып кеткен.