«Ұлттық спорт түріне басымдық беріледі»: Туризм және спорт министрлігіндегі жаңа заң

Мәжіліс дене шынықтыру және спорт, сондай-ақ нормалардың артық заңнамалық регламенттелуін болғызбау мәселелері бойынша заңды екінші оқылымда қабылдады, деп хабарлайды Orda.kz. 

Маңызды құжатта Олимпиада, Паралимпиада, Сурдлимпиада, Азия және Параазиада ойындары бағдарламасына енгізілген спорт түрлерін реттеу алынып тасталады. Туризм және спорт министрлігі халықаралық жарыстарда жеңіп алған медальдардың қорытындысы бойынша басымдық берілетін спорт түрлерін бекітетін болады.

Сонымен қатар ұлттық спорт түрлері енді басым спорт түрлерінің қатарына енеді. 

Енді жергілікті аккредиттелген спорт федерацияларының республикалық немесе облыстық спорт федерациясына мүше болуы талап етіледі.

Сондай-ақ заңда спорт федерацияларында діни экстремизм мен терроризмнің алдын алу шараларын қабылдау міндеті қарастырылған.