Ұлттық құрылтайдың үшінші отырысы Атырауда өтеді

Ұлттық құрылтайдың үшінші отырысы Атырауда өтеді.

Ақорда баспасөз қызметінің хабарлауынша, отырыс 15 наурызда өтеді.

"Мемлекет басшысы Қасым-Жомарт Тоқаевтың төрағалығымен ұлттық құрылтайдың үшінші отырысы 15 наурыз күні Атырау қаласында өтеді"  делінген хабарламада.

Еске салайық, 2023 жылы Түркістанда өткен ұлттық құрылтайдың екінші отырысы "Әділетті Қазақстан – адал азамат" тақырыбына арналды. Жиынның алғашқы күні еліміздің әрбір аймағынан арнайы келген делегаттар ұлт келешегі үшін өзекті мәселелерді талқылады.

Ал екінші күнгі негізгі жиында Тоқаев жиналған қауым алдында сөз сөйлеп, ел дамуының бағыт-бағдарын айқындайтын ой-толғамдары мен ұсыныстарын айтты.

Ал 2022 жылы ұлттық құрылтайдың алғашқы отырысы Ұлытау облысында өтті.