"Ұлттық қор-балаларға" жобасы бойынша келесі қаражат қашан түседі

"Ұлттық қор – балаларға" бағдарламасының алғашқы нәтижелері туралы ҚР Үкіметінде айтылды. Бағдарлама Ұлттық қордың жыл сайынғы инвестициялық табысының 50% 18 жасқа дейінгі балалардың жинақтаушы шоттарына аударуды көздейді. Қаражат тұрғын үй жағдайларын жақсарту және білім беру ақысын төлеу үшін пайдаланылуы мүмкін, бұл көптеген отбасылар үшін айтарлықтай көмек береді, деп хабарлайды РrimeMinister.kz.

2024 жылдың ақпан айында қазақстандық балалар Ұлттық қордан алғашқы төлемдерді ала бастады.

"Өткен жылы тиісті заң қабылданды, жобаға жауапты ретінде - әлеуметтік жобаларды іске асырудың көп жылдық тәжірибесіне сүйене отырып, Бірыңғай жинақтаушы зейнетақы қоры (БЖЗҚ) таңдалды. 2024 жылы 18 жасқа толған балаларға 100,05 доллар төленді. 2023 жылғы 31 желтоқсандағы жағдай бойынша 18 жасқа дейінгі балалардың жалпы саны 6,9 млн адамды құрады", – делінген үкіметтің 5 тамыздағы қорытынды шолуында.

Сіз аударымдарды egov.kz және enpf.kz платформаларында бақылай аласыз.

БЖЗҚ деректеріне сәйкес, 1 шілдеге қарай тұрғын үй жағдайларын жақсартуға және білім беру ақысын төлеуге 16,6 мың өтінім берілді, оның ішінде жалпы сомасы 1,3 млн долларға 13 мыңға жуығы орындалды. Балаларға келесі қаражат 2025 жылдың ақпанына жоспарланған.