Ұлдары әкесін ұрып-соғып келген: Жетісу облысында жанжал айлар бойы жалғасып жатыр

Жетісу облысында өз әкесіне күш көрсеткен екі ұлға қатысты жағдай қоғамда талқыланып жатыр. Жергілікті тұрғындардың айтуынша, ер адам бірнеше ай бойы жүйелі түрде соққыға жығылып келген, деп хабарлайды Orda.kz.

Видеода сөйлеген ер адамның сөзінше, оның екі ұлы оны үнемі ұрып-соғады. Бұл жағдай бір рет емес, бірнеше рет қайталанған.

Оқиғаға араша түспек болған жәбірленушінің ағасы да зардап шеккен. Куәгерлердің айтуынша, жанжал кезінде оған пышақ жарақаты салынған.

Тұрғындардың айтуынша, күдіктілер бірнеше рет жауапкершілікке тартылғанымен, тек қысқа мерзімге ғана жазаланып, бостандыққа шыққан соң қайтадан әкесіне күш көрсетуді жалғастырған.

Қазіргі уақытта оқиғаға қатысты ресми органдардың түсініктемесі жарияланған жоқ.

Оқи отырыңыз:

• Таяу Шығыстағы жағдай: Трамптың мың құбылуы мен жоғары лауазымды тұлғалардың өлімі
• Хайп пен қылмыс: Қазақстанда блогерлерге қатысты бопсалау істері көбейді