ҰҚШҰ-ның жаңа бас хатшысы: Таалатбек Масадыков 1 қаңтардан бастап қызметке кіріседі

ҰҚШҰ-ның жаңа бас хатшысы болып Қырғызстан өкілі Таалатбек Масадыков тағайындалады. Ол бұл қызметке 2025 жылдың 1 қаңтарынан бастап кіріседі. Бұл туралы Ресей президентінің көмекшісі Юрий Ушаков брифингте мәлімдеді, деп хабарлайды Orda.kz.

Масадыков — өңірлік қауіпсіздік саласында көп жылдық тәжірибесі бар дипломат. Бұған дейін ол БҰҰ құрылымдарында және халықаралық миссияларда қызмет атқарған. Осылайша, ол Қырғызстаннан шыққан алғашқы ҰҚШҰ бас хатшысы болмақ.

Бұл тағайындау 27 қарашада өтетін Ұжымдық қауіпсіздік кеңесінің сессиясы қарсаңында жарияланды.

Айта кетейік, бұған дейін Иманғали Тасмағамбетовтің өкілеттік мерзімі аяқталуға таяғанын және ұйымның (ҰҚШҰ) бас хатшыны ауыстыруға дайындалып жатқанын жазған едік.