Түрмеден қашпақ болған 129-дан астам адам қаза тапты

Конго Демократиялық Республикасының астанасындағы орталық түрмеден қашу әрекеті кезінде 129 адам қаза тапты.

Бұл туралы Reuters хабарлады.

«Оқиға 1 қыркүйекке қараған түні болды. Қашу салдарынан түрменің әкімшілік ғимаратында, сонымен қатар азық-түлік қоймалары мен жергілікті ауруханада өрт шықты. Оқиға салдарынан тағы 59 адам зардап шекті»,  - деді ішкі істер министрі Шабани Луку.

Түрме басшылығы сотталғандардың ешқайсысы қашып кетпегенін айтады. Әрекет еткендердің барлығы жойылды. Құзырлы органдар оқиғаның барлық мән-жайын анықтау үшін тергеуді бастады.

«Жаппай қашу әрекеті адам шығыны мен елеулі материалдық шығынға әкелді», - деді министр.