Түркістанда 17 жастағы қызды туысы бір жыл бойы зорлап достарына «сатқан»

Түркістан облысының Мақтаарал ауданында 17 жастағы қызды туысы бір жыл бойы зорлап, достарына «сатқан». Бір жылға жуық уақытта қыздың  «клиенттерінің» саны оншақты адамға жеткен, деп хабарлайды Orda.kz. 

Бұл секс-құлдық оқиғасын блогер Жан Ахмедов әлеуметтік желіде айтты.  17 жастағы бойжеткен әділдікке қол жеткізе алмай келе жатқанын жеткізді. 

«Бір жыл бұрын  Зәкір атты туысым маған көлік айдап үйретемін деп алдап апарып зорлады. Сол кезде мені зорлағанын бейнекамераға түсіріп алып, ешкіме айтпа деп мені қорқытты. Бір жыл бойы маған ойына келгенін істеді. Мені өзі зорлағанымен қоймай,  таныс достарына да зорлыққа сатты. Бастапқыда полиция департаментінде Зәкір істеген ісін мойындады. Тағы да мені қорлаған бес адамды да тапқан еді. Алайда қазір іс басқа жаққа бағыт алып бара жатыр», – дейді бойжеткен.

Бойжеткеннің  қылмыстық іс зорлау бабымен емес 147 бап бойынша қозғалып күдікті жазадан құтылып кете ме, деп қорқатынын айтты. Қазіргі уақытта күдікті уақытша ұстау изоляторында.