Түркістан облысының ветеринарлық қызмет басшысы сотталды

Түркістан қаласының соты облыстық ветеринарлық басқармаға қарасты «Ветеринарлық қызмет» шаруашылық жүргізу құқығындағы мемлекеттік кәсіпорнының басшысы Бақытжан Бегмановты қызметтік өкілеттігін асыра пайдаланды деп айыптады, деп хабарлайды Orda.kz.

Сот материалдарына сәйкес, ол аудандық ветеринарлық қызметтің 115 қызметкерінен жалпы сомасы 5,5 миллион теңге жинаған. Бұл қаражат бұған дейін оларға сыйақы ретінде төленген еді.

Сот үкімі бойынша Бегмановқа 3 жыл 6 ай мерзімге бас бостандығын шектеу жазасы тағайындалып, мемлекеттік қызметте және квазимемлекеттік секторда өмір бойы қызмет ету құқығынан айырылды.

Айта кетейік, сот үкімі заңды күшіне енген жоқ.