Түркістан облысында ұлы сабаған ер адамның мәйіті эксгумацияланды

Түркістан облысының Шардара ауданында өзінің ұлы соққыға жыққан қарт кісінің мәйіті эксгумацияланды. Қазіргі таңда сот-медициналық сараптама тағайындалды, деп хабарлайды Orda.kz.

Қария 3 қыркүйекте қайтыс болған. Ол тірі кезінде дәрігерлердің бақылауында болып, жүрек гипертониялық ауруы және омыртқа остеохондрозы диагноздарымен есепте тұрған. Алайда алған жарақаттарына байланысты дәрігерлерге жүгінбеген.

Зейнеткердің өліміне ұлының қатысы бар-жоғын тергеушілер анықтап жатыр.

Еске салар болсақ, Түркістанда ер адам өзінің қарт әкесін өлімші етіп сабаған. Күдіктінің әйеліне қатысты да қылмыстық іс қозғалғаны белгілі болды.