Түркістан облысында 5 жасар қызды зорлап өлтірген ер адамға кастрация жасалады

Бүгін Түркістан облысында бес жасар қызды зорлап, өлтірген азамат өмір бойына бас бостандығынан айырылды, оған мәжбүрлі химиялық кастрация жасалады.

Шымкент қаласының тергеу изоляторында Түркістан облысындағы 5 жасар қыздың өліміне қатысты іс бойынша сот отырысы өтті.

Сот үкіміне сәйкес ер адам кінәлі деп танылып, оған өмір бойына бас бостандығынан айыру жазасы тағайындалды. Сондай-ақ сотталушыға химиялық кастрация да жасалатын болды. 

Айта кету керек, осыған дейін Түркістан облысында 5 жасар қыздың өлімі бойынша сот процесі басталғанын жазған болатынбыз.

Жантүршігерлік оқиға осы жылдың шілде айында болды. Сарыағашта жоғалған 5 жасар қыздың денесі ауыл тұрғындарының бірінің үйінен табылды. Мемлекет басшысы Қасым-Жомарт Тоқаев қайғылы оқиғаның мән-жайын мұқият тексеруді тапсырды.