Түркияда орман өрті бірнеше аймақты шарпыды

Түркияның Измир, Чанаккале және Айдын провинцияларында орман өрттері біраз аумақты  шарпыды. Бұл туралы 29 маусымда TRT Haber телеарнасы хабарлады.

Түркия Ауыл шаруашылығы және орман шаруашылығы министрлігінің мәліметі бойынша, 29 маусымда күні  Измирде 16 орман өрті тіркелді. Өртті сөндіруге авиация, бульдозер және су таситын көліктер жұмылдырылды. Жұмысқа мыңға жуық адам жұмылдырылды. Байраклидеде аймағындағы үйлер мен екі қонақ үйдің, Селчуктағы муниципалды жануарлар баспанасының эвакуацияланғаны атап өтілді. Сондай-ақ жел өрттің тұрғын үйлерге таралуына себеп болды.

Түркияның Қорғаныс министрлігі өрт сөндірушілерге қолдау көрсету үшін бес тікұшақ жіберді. Қауіпсіздік мақсатында бір ауылдың тұрғындары эвакуацияланды. Әзірге қаза тапқандар мен зардап шеккендер туралы ақпарат жоқ.