Түркия парламентінде депутаттар төбелесіп қалды

Түркияда ұлттық жиналыс кезінде депутаттар төбелес шығарды. Олардың жаға жыртысуына 2026 жылға арналған мемлекеттік бюджетті талқылау себеп болған, деп хабарлайды Orda.kz. 

Жанжал Республикашыл халық партиясы фракциясы төрағасының орынбасары Мурат Эмир мен Әділет және даму партиясының Бурса қаласынан сайланған депутаты Мустафа Варанк арасындағы сөз таластан басталған. Ауызша келіспеушілік көп ұзамай төбелеске ұласып, өзге депуттатар да қосыла кеткен.

Қақтығысты басқа депутаттар келіп, тоқтатты. Жанжалға қарамастан, 2026 жылға арналған орталық үкіметтің бюджеті мен 2024 жылға арналған қорытынды есеп бойынша заң жобалары қабылданды.

Айта кетейік, Сауд Арабиясында өлім жазасына кесілгендердің саны рекорд орнатты.