Тұрсынбек Қабатов өзінің қамалғаны туралы ақпаратты жоққа шығарды

Қазақстандық әзілкеш Тұрсынбек Қабатов өзіне қатысты жеңіл жүрісті қыздарға барып, ұсталды деген ақпаратты жоққа шығарды, деп хабарлайды Orda.kz.

Бұл туралы ол өзінің Instagram парақшасына жариялады. Ол «Манхэттен» деген жерді тіпті білмейтінін айтты.

«Кейбір сайттарда менің массажға барып, полиция рейді кезінде ұсталғаным туралы ақпарат тарап жатыр. Бұл – өтірік ақпарат. Сенбеулеріңізді сұраймын. Мен ешқайда барған жоқпын, еш жерде ұсталған жоқпын. Бұл концерт берер алдында, менің аяғымнан біреулердің шалып жатқаны болуы керек», – деді әзілкеш.

Тілге тиек етейік, әлеуметтік желіде Тұрсынбек Қабатов Алматы қаласындағы Манхэттен тұрғын үй кешенінде жеңіл жүрісті қыздарға барғанда ұсталды деген ақпарат тарады.

Еске салсақ, осы жылдың маусым айында әзілкеш ұшақта тәртіп бұзғаны үшін бес тәулікке қамалған еді.