Трамп Тоқаевты Майамиге шақырды

Мемлекет басшысы Қасым-Жомарт Тоқаевтың атына АҚШ Президенті Дональд Трамптан хат келіп түсті, деп хабарлайды Orda.kz.      

Америка көшбасшысы ақпанда Вашингтонда өткен Бейбітшілік кеңесінің инаугурациялық отырысы аясында Қазақстан президентімен болған кездесуді ризашылықпен атап өтті.

Америка Құрама Штаттарының президенті алдағы Бейбітшілік кеңесінің келесі отырысында және осы жылдың соңында Майамиде өтетін G20 саммитінде еліміздің Мемлекет басшысын қайта қарсы алуды асыға күтетінін жеткізді.

Еске салсақ, мемлекет басшысы Қасым-Жомарт Тоқаев биылға ақпан айында Бейбітшілік кеңесінің алғашқы отырысына қатысты. Жиын Вашингтондағы Дональд Трамп атындағы бейбітшілік институтында өтті. Тоқаев Бейбітшілік кеңесі аясында арнайы марапат тағайындау жөнінде бастама көтерді.

Оқи отырыңыз:

• Таяу Шығыстағы жағдай: Трамптың мың құбылуы мен жоғары лауазымды тұлғалардың өлімі
• Тоқаев: «Тағдыршешті сәтке куә болдық»
• Мемлекет басшысы референдумда дауыс бергеннен кейін журналистермен брифинг өткізді