Тоқаев «Тазару күніне» орай қазақстандықтарға үндеу жасады

Альфия Адамбек
cover Фото: Ақорда

Мемлекет басшысы Қасым-Жомарт Тоқаев қазақстандықтарға үндеу жолдады, деп хабарлайды Orda.kz. 

Тоқаев «Тазару күніне» орай еліміздің әр түкпірінде «Таза Қазақстан» жалпыұлттық ауқымды экологиялық акция басталғанын мәлімдеді. 

«Бұл – Наурызнама онкүндігінде айрықша орын алатын күн. Қоғамымыздың жаңғыруы күллі табиғаттың жаңаруымен тұспа-тұс келіп отыр. Уақыт пен іргелі өзгерістердің осылай үндесуі баршамызға Отанымыздың игілігі жолында аянбай еңбек етуге айрықша күш-жігер беретіні сөзсіз», -деді ол. 

Тоқаев Наурыз мейрамы кезінде қабылданған жаңа Халық Конституциясында азаматтардың табиғатқа қамқорлықпен қарауы ұлттық дүниетанымның басты қағидатының бірі ретінде айқындалғанын айтты. 

«Ата заңымыз қоғамда дүниетанымымыз бен бітім-болмысымыздың өзегі саналатын ынтымақ, жауапты әрі жасампаз отаншылдық, сондай-ақ «Таза Қазақстан» құндылықтарын қалыптастырады», деді мемлекет басшысы. 

Тоқаев бүкіл халықты тазалық пен тәртіп эстафетасына белсене қатысуға шақырды.

Оқи отырыңыз:

Жаңалықтар

барлық жаңалықтар

22.12.2020 жылы берілген
№KZ05VPY00030397 мерзімді баспасөз басылым және ақпараттық агенттік
тіркеу туралы куәлік.

© ORDA, . Пайдалану ережелері