Тоқаев Самарқанда Мирзиёевпен кездесті

Мемлекет басшысы Өзбекстанға барды. Оны әуежайда Өзбекстан премьер-министрі Абдулла Арипов қарсы алды, деп хабарлайды Orda.kz. 

Президент Өзбекстанға «Орталық Азия – Еуропа Одағы» саммиті мен «Жаһандық климат сын-қатерлері жайлы Орталық Азия» халықаралық конференциясына қатысу үшін аттанған болатын. 

Ол Самарқанд қаласына келген Еуропалық Кеңес президенті Антониу Коштамен кездесті. 

Кейін Қасым-Жомарт Тоқаев Өзбекстан президенті Шавкат Мирзиёевпен кездесу өткізді. Мемлекет басшысы «Орталық Азия – Еуропа Одағы» саммитіне ерекше мән беретінін айтты. Сонымен қатар бұл жиын аймақ елдерінің Еуропа Одағымен диалогын ілгерілетуге ықпал ететініне сенім білдірді.

Мемлекет басшылары Қазақстан мен Өзбекстан ынтымақтастығы қарқынды дамып келе жатқанын атап өтті. 

Еске салайық, 29 наурыз күні Тоқаев Алматыда Мирзиеевпен бейресми кездесу өткізген болатын.

Еске сала кетсек, Қазақстан жеңістің 80 жылдығына қызу дайындықты бастап кетті. 

Еске салайық, бұған дейін жеңістің 80 жылдығына арналған шеруге 2,5 млрд теңге жұмсалатыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын жеңістің 80 жылдығына арналған мерекеге шақырғаны жайлы жазған болатын. Ал Astana Think Tank форумының қорытынды отырысында Тоқаев «Ресейдің Украинадағы соғыста жеңілмейтінін» айтқан болатын.