Тоқаев Qazaqstan Barysy Grand Slam турниріне қатысып, қазақстандық дзюдошыларды қолдады

Халықаралық турнир Астанада өтіп жатыр. Трибунада мемлекет басшысымен бірге халықаралық дзюдо федерациясының президенті Мариус Визер мен олимпиада чемпионы Елдос Сметов болды, деп хабарлайды Orda.kz.

Биыл жарысқа әлемнің 46 елінен 358 спортшы қатысуда.

Қазақстандық дзюдошылар бірқатар медальдарға ие болды:

• Ғұсман Қырғызбаев (66 келіге дейінгі салмақта) және Талғат Орынбасар (60 келіге дейінгі салмақта) - күміс.

• Мағжан Шамшадин, Аман Бақытжан (екеуі де - 60 келіге дейінгі салмақта), Есет Қуанов (73 келіге дейінгі салмақта) және Абылайхан Жұбаназар (81 келіге дейінгі салмақта) - қола.

Елорда үшінші рет Grand Slam сериясы турнирін өткізуде.