Тоқаев еліміздегі әйелдерді тіліне ие болуға шақырды

Касым-Жомарт Тоқаев Қазақстандағы әйелдердің мінез-құлқы туралы пікір білдірді, деп хабарлайды Orda.kz.

Президенттің айтуынша, қазір дөрекілік пен сөз таластыра кететін, орынсыз жанжал мен төбелес іздеп тұратын әдет қалыпты жағдайға айналып кеткен. Оларды кейде қоғамдық орындарда, жол жөнекей де байқауға болады.

«Әсіресе, әйелдердің жанжал шығарып, орынсыз сөздер айтып,  әдепсіз әрекеттерді адамдардың көз алдында көрсетуі жағымсыз. Мұндай әрекеттер мәдени, өркениетті қоғамда қабылданбайды және еліміздің халықаралық аренадағы беделіне нұқсан келтіреді», — деді Тоқаев.

Мемлекет басшысының айтуынша, дамыған ұлтқа айналғысы келсе, осындай теріс мінез-құлықтан түбегейлі арылу қажет.

«Ұлы Абай бекер айтпаған: «Біріңді қазақ, бірің дос, көрмесең істің бәрі бос». Мәдениеттілік, адалдық пен тәрбиелілік әр азаматтан, әр отбасыдан басталуы керек», – деп айтты жолдауында Тоқаев.

Айта кетейік, Тоқаев бүгін, 8 қыркүйек күні екінші және үшінші АЭС-тің құрылысын жеделдетуді тапсырды.