Техаста екі Қазақстан азаматы қолға түсті

Техаста 27 қыркүйек күні қазақстандық Нұрсұлтан Мұқтарәлі мен Мұхит Дәнібеков ұсталды, деп хабарлайды Orda.kz. 

Техастағы I-10 тас жолында қазақстан азаматтарын жүк көліктерін тексеру кезінде полиция тоқтатқан. Шериф кеңсесінің мәліметінше, тексеру кезінде Сигма атты ит көлік ішінен 35 келі кокаин тапқан. Қазір екі ер адамға ірі көлемде есірткі сақтау бабы бойынша айып тағылып отыр. Бұл бірінші дәрежелі ауыр қылмыс деп есептеледі.

Екі ер адам Чемберс округінің түрмесінде қамалды. Сонымен қатар, әрқайсысына 200 мың доллар кепіл белгіленген. Екі қазақ азаматының туыстары оларға жала жабылғанын айтты. Ұсталғандардың бірінің ағасы Жомарт Дәнібековтің айтуынша, Мұхит пен Нұрсұлтан жүргізуші болып жұмыс істейді екен. Олар бірнеше жыл көлік тасымалдаумен айналысқан.

Айта кетейік, Түркістанда 15 жастағы қыз 71 жастағы туысынан бала көтерді.