Тәжікстан президентінің кіші қызы денсаулық саласында басшылық қызметке тағайындалды

Тәжікстан президенті Эмомали Рахмонның кенже қызы Фарзона Эмомали Тәжікстан денсаулық сақтау және халықты әлеуметтік қорғау министрлігінің реформалар, алғашқы медициналық-санитарлық көмек және халықаралық байланыстар басқармасының бастығы болып тағайындалды, деп хабарлайды Orda.kz. 

Фарзон Эмомали — 27 жаста. Денсаулық сақтау министрлігі президенттің қызы Тәжік мемлекеттік медицина университетінің емдеу факультетін тәмәмдап, клиникалық резидентураны «педиатрия» мамандығы бойынша оқығанын мәлімдеді. Сонымен қатар, Фарзон Эмомали 2023 жылы Тәжікстан президенті жанындағы мемлекеттік басқару академиясын да оқып бітірген. Ол 2021 жылдан бастап маман болып жұмыс істепті. 

Фарзона Эмомали 2022 жылы Бас прокурор Юсуф Рахмонның ұлы Сафархон Рахмонға үйленді. 2025 жылдың қаңтарында екеуі ажырасады. Тәжікстан денсаулық сақтау министрлігі Фарзона Эмомалидің басы бос екенін және бір баланы тәрбиелеп отырғанын атап өтті.

Эмомали Рахмонның екі ұлы және жеті қызы бар. Рустам Эмомали Душанбе қаласының мэрі және парламенттің жоғарғы палатасының төрағасы қызметін атқарады. Озода Рахмон 2016 жылдан бастап президент әкімшілігін басқарады. Рухшона Эмомали Ұлыбританиядағы елші. Парвин Рахмонова алты жыл ішінде әкімшілік ресурстың қолдауымен елдің фармацевтикалық нарығында көшбасшы болған компанияны басқарады. Зарина Рахмон коммерциялық «Ориенбанк» басқармасының орынбасары қызметін атқарады. Тахмина Рахмонова әуе қатынастары агенттігінің құрылтайшысы. Журналистердің айтуынша, ол Тәжікстандағы әуе билеттерін сату нарығын бақылауда ұстайды. 

Айта кетейік, Тәжікстанда президент ұлттық мәдениетке жат киімдерді әкелуге, сатуға және қоғамдық орындарда киюге тыйым салды.