Татарстан астанасындағы Назарбаев көшесінде Абай бюсті ашылды

Салтанатты шара кеше, 24 қазанда Қасым-Жомарт Тоқаевтың Қазандағы XVI БРИКС саммитіне жұмыс сапары аясында өтті, деп хабарлайды Orda.kz ҚР Мәдениет министрлігіне сілтеме жасап.

Алайда, президент бюстің ашылуына қатысқан жоқ.

Салтанатты шараға Қазақстан тарапынан Мәдениет және ақпарат министрі Аида Балаева мен Қазан қаласындағы Қазақстан Республикасының Бас консулы Ерлан Ысқақов қатысты.

«Бүгінгі шараның БРИКС саммиті аясында өтуі өте жақсы көрініс. Бұл оған ерекше дем беріп, елдеріміз арасындағы мәдени байланысты нығайтып, тереңдете түсетіні сөзсіз. Абай әлемі тек бүкіл түркі халықтарының рухани байлығы емес. Бұл шынымен де әлемдік мұра болып қалады! Халықтарымыз арасындағы достық нығайып, мәдениетті өзара байыта берсін», - деді Аида Балаева өз сөзінде.

Көрнекті ойшылдың ескерткіші Қазан қаласында Назарбаев пен Качалов көшелерінің қиылысында орнатылды. Бюст авторы – мүсінші, Қазақстан Республикасы Суретшілер одағының мүшесі Нұрбол Қалиев.

«Қазақтың ұлы ақынын Ресей де құрметтеп, еске алады. Мемлекетіміздің астанасында ескерткіш орнатылды, Ресейдің бірқатар қалаларында Абай Құнанбаев атындағы көшелер бар. Бүгінгі шара қазақ пен татар халқының рухани бірлігінде ең маңызды орын алатын көп жылғы жемісті іскерлік және мәдени байланыстардың жемісі», - деді Татарстан Республикасының Мәдениет министрі Ирада Аюпова. 

Абайдың бюсті саябақта, қонақжайлылықты бейнелейтін және 2018 жылы Қазақстан Қазан қаласына сыйға тартқан Тайқазан мүсінінің қасында орнатылған.