Тасмағамбетов кетеді, Бішкекте ҰҚШҰ-ның жаңа хатшысы сайланбақ

Ұжымдық қауіпсіздік шарты ұйымы (ҰҚШҰ) бас хатшыны ауыстыруға дайындалып жатыр, деп хабарлайды Orda.kz.

Иманғали Тасмағамбетовтің өкілеттік мерзімі аяқталуға таяды. Ал мүше мемлекеттер келесі үш жылға оның орнына жаңа бас хатшыны таңдайды.

Жаңа бас хатшы кандидатурасы 27 желтоқсан күні Бішкекте қаралады. Сол күні сыртқы істер министрлері, қорғаныс министрлері және қауіпсіздік кеңестері хатшыларының бірлескен отырысы өтеді.

«Жиында қатысушылар есірткіге қарсы күрес және заңсыз миграция саласындағы ынтымақтастық мәселелерін талқылайды. ОДКБ-ның Ұжымдық қауіпсіздік кеңесі сессиясында елдердің қауіпсіздік жөніндегі ортақ ұстанымдарын қамтитын декларация қабылданып, 2026 жылы Ресейдің төрағалық ету кезінде жүзеге асырылатын басымдықтар жарияланады»,  деп мәлімдеді ұйым өкілдері.

Тасмағамбетовтің мемлекеттік қызметте тәжірибесі мол. Ол бірнеше министрлікті басқарды, ірі қалаларға әкім болды, тіпті премьер-министр қызметін де атқарды.

 ҰҚШҰ бас хатшысы Иманғали Тасмағамбетов «Известия» басылымына берген сұхбатынан кейін әлеуметтік желіде тараған «Қазақстан әскері Украинадағы соғысқа жіберіледі» деген ақпаратқа үнсіз қалмай, оны «ресейшіл» деп айыптап, елді соғысқа итермелеп жатыр дегендерге жауап берді.

Украиналық «Бітімгерлер» сайты Иманғали Тасмағамбетовты өз базасына енгізді. Сайтта Тасмағамбетов соғысты насихаттап, Ресей агрессиясын ашық түрде қолдаған және Украинаның егемендігі мен аумақтық тұтастығына қол сұққаны жазылған.