Таразда қыз ұрлаған үш күдікті ұсталды

Таразда автобус күтіп тұрған қызды күштеп көлікке сүйреген жігіттер қолға түсті, деп хабарлайды Orda.kz. 

Қыз ұрлығы оншақты қала тұрғындарының көз алдында болды. Күдіктілер қыздың қарсылығы мен адамдардың тоқтатуына қарамастан қызды көлікке салып әкеткен.
ІІМ ресми өкілі Шыңғыс Әлекешев үш адамның ұсталып, уақытша ұстау изоляторына қамалғанын мәлімдеді. Тергеу барысы ІІМ басшылығының ерекше бақылауында екен. 

Қылмыстық кодекстің 125-1-бабы  «Некеге  мәжбүрлеу» бойынша қылмыстық іс қозғалды. ІІМ 125-1-баптың жақында ҚР Қылмыстық кодексіне енгізілгенін және қазір оны практикада қолдану бойынша түсіндіру жұмыстары белсенді жүргізіліп жатқанын еске салды.

Айта кетейік, Атырау облысында түйе көшеде жүрген жасөспірімді таптап өтті.