Талибандар жаулап алған аймағына күштеп COVID-19-ға қарсы екпе салдырады

Қазақстанда тыйым салынған тәліптер Ауғанстан бойынша COVID-19-ға қарсы вакциналауды ұйымдастыруға қатысуға келісті.

Бұл туралы Orda.kz RT арнасына сілтеме жасап хабарлады.

Катардағы ауған қақтығысы туралы келіссөздер кезінде Ауғанстан үкіметі мен «Талибан» өкілдері вакциналау қызметкерлерінің қауіпсіздігін қамтамасыз ету үшін бүкіл елде шаралар қабылданатын болады деп келісті.

Сондай-ақ, қақтығысушы тараптар COVID-19-бен ауырған адамдарды емдеу үшін оттегі баллондарын және басқа да қажетті материалдарды кедергісіз тасымалдау туралы ортақ шешімге келді.