Талдықорғанда ер адам әйелі мен 3 жастағы баласын аяусыз соққыға жықты

Талдықорған тұрғыны әйелі мен үш жастағы қызын аяусыз соғып, жантүршігерлік жағдайға жеткізді. Әйел мен бала ауыр жарақаттарымен ауруханаға жеткізілді, деп хабарлайды Orda.kz.

Әлеуметтік желіде оқиғаға қатысты адамшошырлық бейнежазба тарады.

Зардап шеккен әйелдің айтуынша, күйеуі оларды мас кезінде ұрып-соққан. Оқиға Талдықорғанда болғаны нақтыланады.

Полиция тарапынан бұл ақпарат расталды. Күдікті ер адам ұсталып, қамауға алынды. ҚР қылмыстық кодексінің 106-бабы («Денсаулыққа қасақана ауыр зиян келтіру») бойынша қылмыстық іс қозғалды.

Жетісу облыстық полиция департаменті басшысының орынбасары Руслан Чарапиевтің айтуынша, үш жасар баланың зорлық белгілері бар жарақатпен медициналық мекемеге жеткізілгені туралы хабар 102 арнасына сағат 21:00-де түскен.

Ведомство оқиғаның барлық мән-жайы анықталып жатқанын, ал тергеу барысы департамент басшылығының жеке бақылауына алынғанын мәлімдеді.

Айта кетейік, РФ тергеу комитетінің төрағасы Александр Бастрыкин қазақстандық экс-судья Айгүл Сайлыбаеваның өліміне қатысы бар тұлғалардың Мәскеуде болуы мүмкін деген нұсқаны тексеруді тапсырды.