Таиландта пойыз құрылыс кранына соғылып, 22 адам қаза тапты

14 қаңтар күні таңертең Накхонратчасима провинциясындағы Сикхио ауданында, Бангкоктан шамамен 230 шақырым қашықтықта, Бангкок – Убонратчатхани бағытымен келе жатқан жолаушылар пойызы құрылыс кранымен соқтығысты, деп хабарлайды Orda.kz. 

Апат салдарынан 22 адам қаза тауып, ондаған адам жарақат алды. Бұл туралы шетелдік және жергілікті БАҚ мәлімдеді.

Алдын ала тергеу мәліметтері бойынша, кран пойыз келерден сәл бұрын ғана құлаған. Пойыз дер кезінде жылдамдықты тежей алмай, құрылыс нысанына соғылған. Соның салдарынан қосымша бөлшектер құлап, бірнеше вагон рельстен шығып кеткен. Сондай-ақ пойызда өрт шыққан. Жалын тез арада сөндірілген.

Айта кетейік, Мәжіліс депутаты Азат Перуашев «Самұрық-Қазына» ұлттық әл-ауқат қорының басшысы Нұрлан Жақыповтың үш жыл ішінде іс жүзінде миллиардер (805,9 млн теңге) болып кеткенін сынға алды.