Тағы да 7 жастағы баланың өлімі: Алматыда оқушыны көлік қағып кетті

Алматы қаласындағы Алмалы ауданында 7 жастағы мектеп оқушысын көлік қағып кетті, деп хабарлайды Orda.kz.

Оқушы жолды белгіленбеген жерден кесіп өткенде Jetour маркалы автокөлікті тізгіндеген жүргізуші баланы қағып кетті. Соққы алған бала қарама-қарсы келе жатқан Hyundai автокөлігіне барып  соғылған.

«Өкінішке қарай, бала алған жарақаттары салдарынан оқиға орнында қайтыс болды. Алматы ПД Анықтау басқармасы қылмыстық іс қозғады», деп мәлімдеді полиция департаменті.

Еске сала кетсек, Orda.kz бұған дейін Алматы қаласында 2 наурыз күні 7 жастағы қызды абайсызда басып кеткен жүк көлігінің жүргізушісі 5 жылға бас бостандығынан айырылуы мүмкін екенін жазған болатын.