Тәжікстан, Қырғызстан және Қазақстан қарулы күштерін қайта қаруландыру бағдарламасы жалғасады

Бұл туралы Ресейдің қорғаныс министрі Сергей Шойгу мәлімдеді, ол бұны Ресей Ауғанстаннан ағылатын  содырлар мен есірткі саудасымен айналысқысы келмейтіндігімен түсіндірді, деп хабарлайды «Коммерсантъ».

Оның айтуынша, Ауғанстандағы оқиғалар ҰҚШҰ аясындағы елдердің әскери ынтымақтастығы дұрыс бағытта дамып келе жатқанын көрсетті. Шойгу Тәжікстан, Қырғызстан және Қазақстан әскерлерін қайта қаруландыру бағдарламасы жалғаса беретінін айтты.

— Қалай болғанда да  біз онда тұрақтылықты, коалициялық үкімет құруды, Ауғанстанда тұратын барлық халықтардың бейбіт тұрғанын және тыныштық орнағанын қалаймыз, - деп қосты Шойгу.

Ол Ауғанстандағы жағдайдың шиеленісуі аясында Ресейдің Тәжікстанмен және Өзбекстанмен бірлескен маневр жүргізгенін еске салды. Шойгу Ауғанстандағы жағдайдың өрбуі аясында «ҰҚШҰ шеңберіндегі өзара әрекеттестікті күшейту керек» деп атап өтті. Бұл ҰҚШҰ елдеріне содырлардың толып кетуіне әкелуі мүмкін; есірткі саудасы да қауіп төндіреді.

Қыркүйекте ҰҚШҰ Қырғызстанда «Рубеж-2021» оқу-жаттығуын өткізеді. Оларға Қазақстан, Қырғызстан, Ресей, Тәжікстан әскерилері, сондай -ақ ҰҚШҰ біріккен штабы мен хатшылығы қатысады. Негізгі мақсат - «командалық -басқару органдары офицерлерінің практикалық дағдыларын жетілдіру», сонымен қатар «бөлімшелердің келісімділігін арттыру».