Сүлеймен Демирель Университеті студенттерге бейбіт шеру өткізуге рұқсат бермеді

7 наурызда SDU University студенттеріне университет қабырғасында әйелдер маршын өткізуге рұқсат бермеді, деп хабарлайды Orda.kz порталы.

Оқу орны бейбіт шеру туралы заңға сүйеніп, студенттердің жергілікті биліктен рұқсат алуы қажет екенін айтқан. 7 наурыз күні кей студент гендерлік проблеманы көтеріп, ғимараттың ішіне үнпарақтар ілген, бірақ олар ұзақ тұрмады.

«Универдегі ректор да, проректор да ер адамдар.
Оларға ескерту: Әйел бастаған көш оңады. Теңдікті қалыптастыру ортадан, осындай кішкентай қадамдардан басталады» делінген үнпарақта.

Еске салайық, Назарбаев университеті де студенттеріне  8 наурыз күні марш өткізуге тыйым салған болатын.