Су тасқыны жемқорлары: Перизат Қайрат қызметінен қуылды

Перизат Қайрат үстел теннисі федерациясы президенті қызметінен босатылды, деп хабарлайды Orda.kz.

Ұйымның мәліметінше, Перизат президент болып тағайындалғаннан кейін бірде-бір ресми отырыс өткізбеген және жұмыс жүргізбеген.

«Перизат Қайраттың ұсталуына және тергеуге байланысты, ол ұйымның президенті қызметінен босатылды. Шешім 14 қарашада федерацияның кезектен тыс жиналысында қабылданды» делінген хабарламада.

14 қарашада BizBirgemiz Qazaqstan қайырымдылық қорының басшысы Перизат Қайрат 1,5 млрд теңге ұрлады деген күдікке ілінді. Ол көктемгі су тасқынынан зардап шеккен азаматтарға көмектесу үшін ақша жинаған. Бірақ тергеу мәліметтері бойынша, ол қайырымдылықтың қомақты бөлігін өзіне жылжымайтын мүлік пен сәнді заттар сатып алу үшін жұмсаған.