Сот шешімімен экс-президент үй қамағына жіберілді

Бразилияның жоғарғы соты бұрынғы президент Заир Болсонарды үй қамағына жіберді, деп хабарлайды Orda.kz. 

Сот экс-президентке ұялы телефонды пайдалануға тыйым салды. Сонымен қатар оның сөйлесуге болатын адамдарының санын шектеді.

Судья Александр ди Мораес үкімді 3 тамыз күні шығарды. 70 жастағы экс-президентке 2022 жылғы сайлауда жеңіске жеткен қарсыласының үкіметін құлату үшін қастандық жасады деген айып тағылды. Айыптауға сәйкес, экс-президенттің жақтастары Бразилиядағы конгреске, Жоғарғы сотқа және президент сарайына шабуыл жасаған.

Тергеу ұзаққа созылып, ақыр соңы бұрынғы президент айыпты болып шықты. Судья оған электронды білезік тағуды, түнгі үй қамауын сақтауды міндеттеді. Экс-президент «демократиялық құқықтық тәртіпті жоюға ұмтылды» деген айыптауды жоққа шығарды.

Айта кетейік, маусымда Бішкектегі Первомай аудандық соты Қырғызстанның бұрынғы президенті Алмазбек Атамбаевты бірнеше ауыр бап бойынша кінәлі деп танып 11 жылға соттады.