Соңғы 34 жылдан бері алғаш рет Третьяков галереясында қазақ суретшілерінің көрмесі өтті

 Мәскеудегі Третьяков галереясында «Қазақстан өнерінің жауһарлары» атты қазақ елінің мәдениет күндері өтті, деп хабарлайды Orda.kz.

Мәдениет министрлігінің мәліметінше, галереяға арналған экспозицияны Қастеев атындағы Өнер мұражайы әзірлеген. Ол ХХ ғасыр шеберлерінің 60 кескіндеме және мүсін туындыларынан тұрады. Көрмені мәдениет министрі Аида Балаева ашты.

«Бұл соңғы 34 жылдағы бұл қазақстандық суретшілердің Мәскеудегі алғашқы экспозициясы. Қастеев атындағы мемлекеттік мұражайдың картиналары соңғы рет 1991 жылдың тамызында қойылған», - деп атап өтті министр. 

Көрме 23 қарашаға дейін жалғасады. Сонымен қатар, Мәскеу кинотеатрларында қазақ және орыс тілдеріндегі қазақстандық фильмдер көрсетіледі.

 Қыркүйек айында Esentai Gallery қазақстандық-испандық суретші Хуан Саликеттің жеке көрмесін ашты.

 2023 жылдан бері Түркі әлемінің көне петроглифтері Еуропа елдерінде зерттеу үшін қолжетімді. Нидерланды астанасының тұрғындары «Петроглифтер. Таңба және көне түркі жазуы» көрмесінде көне түркі петроглифтері мен жазуының үздік үлгілерімен таныса алады.

2025 жылдың 8 тамызында Финляндия астанасы Хельсинкиде өткен  World Dog Show 2025 халықаралық ит көрмесінде қазақ тазысы алғаш рет ресми түрде халықаралық аренада таныстырылды.