Солтүстік Қазақстанда аязда қалып, үсікке ұрынған зейнеткер көз жұмды

14 қаңтар күні жоғалған 75 жастағы әйел  аязда қалып, үсікке ұрынып көз жұмды, деп хабарлайды Orda.kz. 

Зейнеткердің жоғалғаны туралы полицияға арыз түскен. Алдын ала мәлімет бойынша, зейнеткер үйінен ауруханаға қарай шығып, қайта оралмаған. Ұялы телефоны да өшіп қалған. Іздеу шараларына 60-қа жуық адам қатысты. 

15 қаңтар күні таңертең учаскелік полиция инспекторы қарт әйелді аурухана маңындағы шаруашылық ғимараттың жанындағы қоршаудың түбінен тапқан. Әйел ол кезде тірі болыпты. Оның жағдайы ауыр болған, қатты үсік шалып байланысқа да шыға алмапты.

Көрсетілген медициналық көмекке қарамастан зейнеткер көз жұмды.

Айта кетейік, Түркістандағы өз әкесін тоқпақтап, өлімші халге жеткізген адам 5 жылға сотталды.