Солтүстік Қазақстанның бас дәрігері пара алғаны үшін жауапқа тартылды

Петропавл қалалық соты Солтүстік Қазақстан облысы денсаулық сақтау басқармасының басшысы Қабдрахман Сақтағановқа қатысты үкім шығарды.

Бұл туралы Orda.kz хабарлады.

Дәрігерге «пара алды» деген айып тағылды. Айыптаушы тараптың айтуынша, ол 2021 жылдың қыркүйегінде мекемеге жұмысқа орналасқан жас мамандарға көмек көрсету мәселесін шешуге көмектескені үшін «Денсаулық Жеке коммерциялық емес мекемесінің» директоры Айнагүл Қарабаевадан 200 мың теңге пара алған.

Айыпталушы өз кінәсін мойындады. Ол үшін мемлекеттік қызметтегі лауазымдарды атқару құқығынан өмір бойына айырумен 6 млн теңге айыппұл түріндегі жаза қолдану сұралды.

Сақтағановқа параның 30 еселенген сомасы мөлшерінде 5 807 478 теңге айыппұл салынды.