Шымкенттің орталығында екі ер адамды қинап, көлікке салып әкетті

Шымкенттің екі тұрғынын күштеп көлікке отырғызды. Куәгерлер оларды құтқаруға тырысқанымен, үлгермеді, деп хабарлайды Orda.kz тілшісі.  

Адам ұрлау сәті түсірілген видео желіде пайда болды. Бірнеше ер адам жас жігітке шабуыл жасап, оны соққыға жығып, көліктің жүксалғышына күштеп отырғызған. Екіншісін де күш қолдану арқылы көліктің салонына отырғызып, белгісіз бағытқа қашып кеткен.

Полиция зардап шеккендерді алып кеткен көлікті тапты. Күдіктілердің жеке бастары да анықталды.  

«Екі күдікті қамауға алынды. Қазір қажетті процессуалдық шаралар жүргізілуде. Оқиғаның мән-жайы анықталып жатыр», деп хабарлады Шымкент қалалық полиция департаменті редакциямызға.