Шымкенттегі жолға таласып, кісі өлтіргендерге қатысты тағы үш күдікті ұсталды

Шымкенттегі жолға таласып, соңы кісі өлімімен аяқталған оқиға бойынша полиция тағы үш күдіктіні ұстады, олар Түркістан облысы аумағында жасырынып жүрген, деп хабарлайды Orda.kz.        

Полиция Шымкенттегі жол-көлік оқиғасынан кейін адам өлтіру ісіне күдікті тағы үш адамды ұстады, бұл туралы адвокат Талғат Есімов мәлімдеді. Оның айтуынша, олар Түркістан облысы Түлкібас ауданының аумағында жасырынған.

Жол апатынан кейін жүргізушілер мен автокөлік жолаушылары арасында жанжал болып, оқиғаға қатысқандар бір-біріне пышақ жарақатын салған болатын. Зардап шеккендердің бірі қайтыс болды. Жанжалдың тағы бір қатысушысы, 36 жастағы ер адам ауыр күйде ауруханаға жеткізілді.

Келесі күні Шымкентте осы шулы оқиғаға қатысқан төрт адам ұсталды. Олар кісі өлтірген және бұзақылық жасаған деген күдікпен қамалды. Олардың бәрі уақытша ұстау изоляторында жатыр.

 Еске салсақ, оқиға 20 қаңтар күні Шымкент қаласындағы Ерімбетов пен Рысқұлов көшелерінің қиылысында болған. Екі автокөліктің жүргізушілері мен жолаушылары арасында жанжал туындап, соңы адам өлімімен аяқталған еді.

Оқи отырыңыз:

• Шымкент полициясының басшысы Тоқаевтың мәлімдемесінен кейін қызметінен босатылды
• Шымкент әкімі алаяқтардың «құрбаны» болды
• Нұрайдың шағымын елемеген полиция қызметкерлеріне қатысты қылмыстық іс қозғалды