Шымкентте Руслан Берденовке оқ атқан Ернар Жиенбай басқарған компания тексеріледі

Руслан Берденовке қастандық жасау ісі мен үйлерге күрделі жөндеу жүргізу арасындағы байланыс ресми түрде расталмады, деп хабарлайды Orda.kz.

Әлеуметтік желілерде «Тұрғын үй Шымкент» ЖШС бұрынғы басшысы Ернар Жиенбай мен қала әкімінің орынбасары Руслан Берденов арасындағы жанжалдың неден шыққаны талқыланып жатыр. Берденовке жасалған қастандықтан бірнеше күн бұрын жиналыс өткен. Бір болжамдар бойынша, жиналыста үйлерді күрделі жөндеуге бөлінген 3,4 млрд теңгені қайда жұмсағанын түсіндіру талап етілген.

Ал ЖШС-ның құрылтайшысы Шымкент қаласының әкімдігі.

2023-2025 жылдарға арналған ТКШ жаңғырту бағдарламасы шеңберінде компанияға:

• 2023 жылы 1 млрд теңге;
• 2024 жылы 1,4 млрд теңге;
• 2025 жылы 1,9 млрд теңге берілген.

Ал 2024 жылы 15 көпқабатты үйде күрделі жөндеу жұмыстары аяқталды. Бірақ 10-нан астам нысанда жұмыстар әлі жалғасып жатыр.

Айта кетейік, айыпталушы Ерлан Жиенбай оның әйелінің суретіне лайк басып, «әдемі екенсің» деп жазғанын айтқан болатын. Сот ісі әлі де жалғасады, келесі сот отырысында куәгерлерден жауап алу жалғасады.