Шымкентте полиция қызметкері жаяу жүргіншіні басып өтті

Шымкентте жаяу жүргіншіні полиция қызметкері қағып кетті. Жәбірленуші оқиға орнында мерт болды, деп хабарлайды Orda.kz.

Қайғылы оқиға полиция департаментінің маңында, Желтоқсан көшесінде болды. Жәбірленуші алған жарақаттарынан оқиға орнында көз жұмды.

Алдын ала мәлімет бойынша қаза болған әйел жолды белгіленбеген жерден кесіп өтпек болып,ағаштың арасынан кенеттен шыға келген. Көлік тізгінінінде Абай аудандық полиция басқармасының жедел уәкілі болған.

«Шымкентте полицей жаяу жүргіншіні қағып, әйел көз жұмды. Оқиға 28 тамызда Желтоқсан көшесінде болған. Қалалық полиция қылмыстық іс қозғалғанын хабарлады. Қазір тергеу жүріп жатыр»,  —  деп жазылған хабарламада

Еске сала кетейік, Қызылордада мұғалімдерді облыс әкімі туралы Facebook-тағы жазбаға лайк басып, пікір жазуға мәжбүрлеген.