Шымкентте кәмелет жасына толмаған 2 қыз жыныстық құлдықтан құтқарылды

Шымкентте полицейлер 15 және 16 жастағы екі қызды жыныстық құлдықтан құтқарды, деп хабарлайды Orda.kz. 

Екі жасөспірімді бір 22 жастағы қыз Алматы мен Тараздан алдап шақырған. Бойжеткен оларды пәтерге орналастырған, бірақ не үшін екенін түсіндірмеген.

Босатылғаннан кейін қыздар Шымкент қаласының №3 арнаулы әлеуметтік қызмет орталығына орналастырылды. Оларға мамандар психологиялық көмек көрсетіп жатыр.

Айта кетерлігі, соңғы бес жылда қалада адам саудасына қатысты 15 оқиға анықталған. 

Еске салайық, Қырғызстанда әйелін қызғаныштан атып өлтірген күйеуі 18 жылға сотталды.