Шымкент суға батты: қала әкімі жағдайға қатысты пікір білдірді

Қала жолдарында  кептеліс болып, көліктердің төбесіне дейін батып кетердей су жиналды, деп хабарлайды Orda.kz.

Шымкент әкімі өзінің Instagram желісіндегі парақшасында арық желілері көп мөлшердегі суды көтере алмай, жолдардағы тасқынға  себеп болғанын жазды.

«Бекжан базары аумағындағы жол айырығындағы көпір астындағы өткелде жиналған жаңбыр суын айдауды қадағаладым. Сорғыларды жақсартып, қуатын арттыру үшін жауапты мамандарға олардың санын көбейтіп, ауыстыруды  тапсырдым. Қазіргі уақытта жолдар мен көшелерді жаңбыр суынан тазарту жұмыстары аяқталды» деп жазды әкім.